Во текот на нејзиното гостување во поткастот „What In The Winkler“, зборувајќи со љубов за нејзините сестри, актерката открила колку е поврзано нивното семејство: „Тие се тотално луди и мои најдобри пријателки“. Таа исто така рекла дека и двете биле покрај неа кога дома ја родила ќерката Лует во 2023 година.

„Сè уште се капеме заедно“

Објаснувајќи ја семејната динамика, Румер изненади со изјавата: „Моите сестри и јас сè уште се капеме заедно. Во таква куќа пораснав. Луѓето можеби мислат дека тоа е лудо и чудно – но јас не го мислам тоа“.

Во текот на интервјуто, Румер признала и дека сè уште спие во кревет со нејзината мајка Деми Мур (62) и се надева дека нејзината ќерка ќе го следи овој обичај: „Се надевам дека Лу ќе спие со мене кога ќе биде на моја возраст. Сè уште спијам со мајка ми. Мене тоа не ми е чудно“.

„Дури и возрасните не можат сами да се смират“

Зборувајќи за родителството, Румер ја искритикува популарната практика на заспивање на бебињата во посебна просторија на рана возраст: „Замислете да имате бебе горила или куче старо две недели и да го ставите во соба одвоено од мајката – сите ќе ве гледаат како да сте луди. Дури и возрасните не знаат како сами да се смират“.

Румер, позната по улогите во „Once Upon a Time in Hollywood“ и „Sorority Row“, се осврнала и на непотизмот во Холивуд, признавајќи дека нејзиниот „нормален живот“ вклучувал патување на филмски сетови наместо редовна настава во училиште. „Не поминав цела учебна година во училиште до петто одделение бидејќи бев на сетови. Математиката не ми беше силна страна, но имав кул искуства“, рекла Вилис.

„Добивав само улоги на лезбијки и зависнички“

Вилис исто така открила дека во младоста имала тетоважи и пирсови, а нејзината мајка Деми тогаш ја предупредила дека тоа може да влијае на нејзината актерска кариера.

Румер тогаш не ја слушала, но сега призна дека била во право: „Во моите дваесетти добивав само улоги на лезбијки, зависнички и малтретирани жени“, додала актерката.