Напаѓачот на Фиорентина, Моисе Кеан, ја игра најдобрата сезона во кариерата. Во досегашниот тек од сезоната постигна 16 голови во Серија А, со што го собори својот личен рекорд. Неговата форма не минува незабележано во Европа.
Италијанските медуми тврдат дека е можно Кеан да се врати во Премиер лигата. Пред неколку сезони го носеше дресот на Евертон.
Според овие извори, претставниците на Њукасл започнале преговори со неговиот менаџер за евентуален трансфер во летниот преоден рок.
Кеан има договор со Фиорентина до јуни 2029 година, но и откупна клаузула вредна 52 милиони евра која може да се активира меѓу 1 и 15 јули годинава.
