[ВИДЕО] Рафиња тргна да се пресметува со судиите, па доби германска лекција од Флик и Тер Штеген

Иако важеше за апсолутен фаворит како тим кој има и дополнителен мотив по поразот на Реал од Валенсија, Барселона одигра само 1:1 против разиграниот андалузиски тим и не успеа да отиде на „плус шест“, а таквото сценарио не донесе баш позитивна атмосфера на „Монжуик“, нешто што особено важеше за Рафиња.

Капитенот на Барселона беше убедливо најлут по последниот судиски свиреж, но со своето однесување, Бразилецот ризикуваше да заработи и дополнителна казна.

Рафиња во неколку наврати се обиде да влезе во вербална пресметка и физички контакт со судиите, меѓутоа во моментите на голема нервоза, доби лекција од двајцата најсмирени на теренот.

Најпрво Ханси Флик, а потоа и Марк Андре Тер Штеген го смируваат темпераментниот Бразилец, кој само благодарение на Германците мина и без посериозна казна на крајот од натпреварот со Бетис.