За време на полуфиналето на турнирот во Рим, помеѓу Коко Гоф и Ќинвен Џенг, се случи момент кој ја насмеа целата публика и влезе меѓу најинтересните настани на тениската сезона.
На самиот почеток од третиот сет, Џенг отиде до клупата за да смени рекет, но Гоф тоа не го забележа.
Мислејќи дека играта продолжува, таа се подготви за сервис и го одигра поенот. Топчето помина низ празниот дел од теренот, додека Џенг изненадено гледаше кон својата противничка. Публиката избувна во смеа, а ниту Коко не успеа да ја задржи насмевката кога сфати што се случи.
Coco Gauff hits a serve but doesn’t realize Qinwen Zheng wasn’t at the baseline 😂😂😂
— The Tennis Letter (@TheTennisLetter) May 15, 2025
pic.twitter.com/wK6g44ztRa
Натпреварот потоа продолжи во целосно натпреварувачки дух, без да влијае овој симпатичен инцидент на текот на играта. Тоа беше исклучително интензивен дуел, кој траеше дури три часа и 32 минути, што го прави најдолгиот "WTA" меч оваа година.
На крајот, Коко Гоф победи во три сета и два тај-брејка, обезбедувајќи пласман во големото финале на турнирот. Овој куриозитет само уште еднаш ја покажа нејзината смиреност и способност да остане фокусирана дури и во најневообичаени ситуации.
