Меѓутоа, секој што престојува на плажите треба да биде внимателен – се советува да не се допира еден одреден вид школка, бидејќи нејзиниот отров може да предизвика моментална парализа, па дури и смрт.

Станува збор за конусни морски полжави (Conus snail), кои се визуелно многу привлечни – шарени, со различни шари и спирална форма, со тесно дно и проширен, закривен врв. Иако изгледаат декоративно и интересно, тие се исклучително опасни.

Овие морски мекотели вклучуваат над 750 познати видови и сите се отровни. Тие живеат во тропски и умерени мориња, најчесто во плитки води, закопани во песок, под корали или меѓу мангрови.

Конусниот полжав лови со забите и вбризгува невротоксичен отров во својот плен – обично риби, црви или други мекотели. За жал, истиот отров може да влијае и на луѓето, без разлика дали ќе го допрете, ќе го земете во рака или случајно ќе стапнете врз него.

Една корисничка на ТикТок, Беки Ли, го сподели своето искуство со ова потенцијално смртоносно суштество додека била на плажа во Јапонија:

„Си играв со најотровното суштество во океанот, кое може да предизвика целосна парализа или дури и смрт“, рече Беки.

„Го нарекуваат и „полжав-цигара“ затоа што – според урбаната легенда – имате време само да запалите цигара откако ќе ве касне… пред да умрете“.

Откако го зела полжавот во рака, таа поминала 72 часа во целосна параноја, не знаејќи дали ја каснал или не. „За среќа, не ме каснал. Но, сакам луѓето да знаат: некои убави школки не се безопасни“, додаде таа.

Што може да предизвика отровот од конусниот полжав?

Отровот на овие полжави дејствува екстремно брзо и може да предизвика:

Интензивна болка на местото на каснување

Вкочанетост и парализа

Респираторна инсуфициенција

Во најтешките случаи – смрт.

Во моментов не постои противотров, па во случај на убод, неопходна е итна медицинска помош, вклучително и вештачко дишење, сè додека телото само не го исфрли отровот.