Повеќе моќност, подобри перформанси

Новата генерација "Carrera 4 S" го користи надградениот погонски систем од "Carrera S". Станува збор за 3.0-литарски "twin-turbo" боксер мотор кој развива 480 коњски сили, што е за 30 коњски сили повеќе од претходната верзија. Зголемената моќност е делумно резултат на оптимизираниот систем за ладење на воздухот преземен од "911 Turbo". Осумстепениот "PDK" менувач ја пренесува силата на сите четири тркала.

"Carrera 4 S" купето забрзува од 0 до 100 км/ч за 3,3 секунди (со Sport Chrono пакет) и достигнува максимална брзина од 308 км/ч.

60 години "Targa" традиција

Оваа година "Porsche" ја одбележува 60-годишнината од моделот "911 Targa". Оригиналната верзија од 1965 година била наречена „безбедносен кабриолет“, како одговор на загриженоста за безбедноста кај класичните кабрио модели на американскиот пазар. Името "Targa" доаѓа од славната сицилијанска трка на издржливост – "Targa Florio".

Современата "Targa" денес за само 19 секунди спектакуларно се трансформира од купе во отворен автомобил преку целосно автоматизиран кровен механизам.

Богата стандардна опрема

Стандардната опрема е значително надградена и вклучува 20/21-инчни "Carrera S" бандажи, "Porsche Torque Vectoring Plus" (PTV+), спортски издувен систем и сопирачки систем преземен од "GTS" моделите со црвени клешти.

"Targa 4 S" стандардно доаѓа со управување на задните тркала, додека купето се испорачува како дводелна конфигурација, со можност за додавање задни седишта без доплата.

"Porsche" открива дека половина од купувачите на "S" варијантите од "911" се одлучуваат за погон на сите четири тркала поради максимална влечна моќ во лоши временски услови. Системот "Porsche Traction Management" (PTM) по потреба го пренасочува вртежниот момент кон предните тркала, зголемувајќи ја стабилноста и безбедноста.

Новите "Carrera 4 S" варијанти претставуваат совршен спој на перформанси, практичност и препознатливиот 911 дизајн. Тие ќе бидат достапни за моделската година 2026, а веќе е познато дека цената ќе биде повисока од досегашните "Carrera" модели.