Поради европските регулативи за емисии, можно е затворање на производни погони и укинување на производството на бензински возила.
Европскиот парламент претходно годинава одлучи производителите на автомобили да добијат повеќе време за усогласување со новите прописи за емисија на CO₂.
Наместо веќе во 2025 година да ја достигнат границата од 93,6 g/km за просечни емисии на сите продадени возила, производителите сега имаат преоден период до 2027 година за постепено исполнување на таа цел.
Сепак, ни ова пролонгирање не ја задоволува групацијата "Stellantis".
Директорот на европскиот огранок на компанијата, Жан-Филип Импарато, предупредува дека компанијата би можела да биде казнета со дури 2,5 милијарди евра поради надминување на дозволените емисии, доколку законскиот рамковен контекст наскоро не се промени.
Импарато не остава простор за дилема:
„Или агресивно ќе ги туркаме електричните возила, или ќе бидам принуден да ги укинам возилата со мотори со внатрешно согорување. А тоа значи затворање фабрики“, изјави тој за "Automotive News Europe".
Ситуацијата би можела да стане уште потешка по 2030 година. Тогаш целта за просечна емисија на CO₂ ќе падне на само 49,5 g/km, а веќе од 2035 година се очекува целосна забрана за продажба на нови возила со мотори на внатрешно согорување.
Исклучок ќе бидат само возилата што користат синтетички горива, што реално е опција резервирана за екстремно скапи супер-автомобили и луксузниот сегмент.
Импарато јасно порачува дека автомобилската индустрија се соочува со избор: масовен премин на електричен погон или реструктурирање кое подразбира гасење на фабрики.
Притисокот од европската регулатива, вели тој, би можел радикално да го промени индустрискиот пејзаж на Стариот континент.
