[ФОТО/ВИДЕО] Двејн Џонсон ја покажа неверојатната физичка трансформација: „Ова е нешто што навистина сакав да го постигнам“

Џонсон, кој во филмот ја толкува легендата на боречките вештини и поранешниот УФЦ борец, Марк Кер, се појави на црвениот килим значително послаб отколку што публиката го памети од неговите претходни филмски изданија. Филмот е режиран и напишан од Бени Сафди, познат по својот автентичен и емотивно набиен стил.

На премиерата, Џонсон не криеше колку многу му значи оваа улога.

„Оваа трансформација е нешто што навистина сакав да го постигнам“, изјави тој за „Hollywood Reporter“.

„Имав неверојатна кариера и снимив многу успешни филмови, но во мене постоеше тивка желба – глас што велеше: „Што ако можам уште повеќе? Што ако можам да одам подлабоко? Како изгледа тоа?“ додаде тој.

Во „The Smashing Machine“ покрај Џонсон главна улога има и британската актерка Емили Блант, која ја толкува тогашната сопруга на Кер, Дон. Блант и Џонсон заедно присуствуваа на бројни настани во рамки на премиерата во Венеција.

Венециската публика ентузијастички реагираше на филмот, наградувајќи го со 15-минутни овации што ги доведе до солзи Џонсон и режисерот Сафди.

Режисерот Бени Сафди беше видливо трогнат и се спушти на колена за време на овациите.

„Ова е најголемата емоција што ја видовме во Лидо откако Брендан Фрејзер ја започна својата кампања за Оскар со филмот „The Whale“, рече Рамин Сетудех, главен уредник на списанието „Variety“, алудирајќи на подоцнежната победа на Фрејзер на Оскарите во 2023 година.

Уште во април оваа година, Марк Кер сподели постер од филмот на својот Инстаграм профил и го изрази своето неверување во врска со проектот.

„Сè уште не можам да верувам дека ова е реалност. Неверојатно сум горд на целиот труд што Двејн Џонсон го вложи за да стане „The Smashing Machine“. Чувствувам огромна благодарност, понизност и почит за секој детаљ што го откри продукцијата. Едвај чекам да го споделам ова искуство со светот“, порача Кер.