Новиот „Speedmaster Milano Cortina 2026“

Моделот доаѓа во куќиште изработено од не’рѓосувачки челик со димензии од 38×14,75 мм и водоотпорност до 100 метри. Зимскиот амбиент е постигнат со полиран прстен од сина керамика и бела емајлирана тахиметарска скала која му дава елегантен, но спортски изглед.

Она што навистина го сместува овој часовник во снежните планини е неговиот бројчаник. Белата лакирана позадина е украсена со мат-син мотив инспириран од амблемот на Игрите „Milano Cortina 2026“, додека подбројчаниците се исто така во бела боја.

Исклучително внимание на деталите

„Omega“ посвети особено внимание на секој детаљ. Индексите на часовите се премачкани со сина „CVD“ облога за да се усогласат со стрелките и исполнети со „Super-LumiNova“ материјал за подобра видливост во темнина. Интересен детаљ е бројот 26 во прозорчето за датум — испишан со истиот фонт како официјалното лого на Игрите, додека сите останати датуми се прикажани со стандарден фонт.

Механизам и ново ремче

Во внатрешноста на часовникот работи автоматскиот механизам „Calibre 3330“ со „COSC“ сертификат, кој обезбедува резервна енергија од 52 часа. Освен стандардните функции за часови, минути и секунди, часовникот располага и со хронограф со бројачи за 30 минути и 12 часа.

Ремчето се стеснува од 18 на 15 мм и има копче со можност за прецизно приспособување од околу 2 мм за дополнителна удобност.

Часовникот нема да биде постојан дел од колекцијата, а веќе е достапен по цена од 6.600 евра.