Токму кога се чинеше дека Илон Маск ги исцрпи резервите на бизарни идеи, повторно ја шокираше јавноста. На неодамнешниот состанок на акционери на „Tesla“, Маск го изнесе својот најнов предлог за решавање на криминалот: наместо затвори – осудениците да добијат робот „Optimus“ кој ќе ги следи и ќе ги спречува да извршат нови дела, пишува „Futurism“.
Робот како алтернатива на затвор
„Знаете, можеби би можеле на луѓето – ако некој сторил злосторство – да им понудиме похуман начин за спречување идни кривични дела“, рече Маск. „Што значи: добивате бесплатен ’Optimus‘ кој само ќе ве следи и ќе спречи да направите злосторство. Освен тоа, можете да правите што сакате. Само ќе ви ја попречи намерата да сторите кривично дело, тоа е сè. Мислам дека нема потреба да ги ставаме луѓето во затвори и слично.“
Овој предлог доаѓа само кратко откако акционерите му одобрија астрономски пакет надомест вреден милијарди долари, што уште повеќе ја истакнува неговата моќ и влијание.
Optimus pilot production line is currently running in our Fremont Factory
— Tesla (@Tesla) November 6, 2025
Significantly larger Gen 3 production line coming in 2026
We're also testing in our factories & office spaces for real-time use case
Our goal is $20k COGS per robot at scale pic.twitter.com/WAfdcdt0Ue
Низа логички и етички дилеми
Идејата на Маск отвора многу прашања – и ниту на едно од нив не понуди конкретен одговор. Пред сè, нејасно е како невештите роботи „Optimus“, во моменталната рана фаза на развој, воопшто би можеле ефикасно да спречуваат криминал.
Кој би ги покривал трошоците за ваков систем?
И какви би биле етичките импликации доколку профитна роботска платформа стане замена за пренатрупаниот американски затворски систем?
Моќта зад наизглед импровизирани изјави
Иако е лесно ваквите изјави да се отфрлат како уште една импровизација на Маск, важно е да се земат сериозно – поради огромното влијание што го има. Како еден од најмоќните луѓе во модерната американска историја, секој негов збор има тежина, без разлика колку и да звучи непромислено.
Порталот „Electrek“ нагласува дека вистинската приказна е во тоа што акционерите на „Tesla“ гласаат против сопствените интереси, намалувајќи ја својата гласовна моќ за да му дадат на Маск уште повеќе пари и влијание. Иронично, ако вештачката интелигенција навистина стане толку моќна како што самиот тој тврди – таа ќе го надмине со леснотија.
