Над стотина Дедо Мразовци и Баба Мразици во костими за капење, бикини и мини-фустани трчаа по улиците на Будимпешта.
Стотици луѓе облечени во црвени костими за капење, бикини и со новогодишни капи им пркоселе на ниските температури во Будимпешта за време на годишната „Трка на полуголите Дедо Мразовци“.
Центарот на градот одѕвонувал од веселите извици „хо-хо-хо“ и песни, а учесниците застанувале за да направат склекови и да заиграат.
Dozens of people dressed in red swimsuits and Santa hats braved freezing temperatures in Budapest for the annual Half-Naked Santa Run pic.twitter.com/nyGgYbpZdC
— Reuters (@Reuters) December 15, 2025
И покрај тоа што термометрите покажувале само 1 Целзиусов степен во унгарската престолнина, учесниците велеле дека воопшто не им студи.
Настанот во Будимпешта е инспириран од слична трка во Бостон, а организаторот додал и „унгарски детали“ како паузи за вежбање, танцување и пеење, за да создаде уникатна празнична традиција.
Инаку за време на викендот минувачите и туристите во Будимпешта имаа можност да уживаат и во сличен настан, само што овој пат Дедо Мразовците биле облечени од глава до пети.
Околу 4.500 тркачи облечени во црвено и со бели бради создадоа магична божиќна атмосфера на плоштадот „Февам“ и долж брегот на Дунав.
Ова беше 10-та по ред трка „PENNY Santa Run“, најавена како највеселиот спортски настан на годината и најмасовна досега. Со вештачки снег и празнично расположение, учесниците на крајот на трката доделија подароци – пакетчиња за СОС Детските села.
