Балансираната исхрана наутро е клучна за поставување на тонот за целиот ден, бидејќи обезбедува стабилен проток на гликоза во мозокот, што ја подобрува концентрацијата, расположението и енергијата. Без појадок, нивото на шеќер во крвта паѓа, што доведува до замор, раздразливост и намалена продуктивност во текот на денот. Сепак, кинеската медицина препорачува и чај за добро утро, за кој се тврди дека го подобрува физичкото, емоционалното и менталното здравје, пренесе „Tportal“.

Кинезите го пијат со векови поради неговите есенцијални придобивки, а денес го сакаат сите кои внимателно го негуваат својот „велнес“ начин на размислување.

Овој билен чај, базиран на принципите на кинеската медицина, содржи цимет, зелен чај, ѓумбир и куркума, зачини богати со антиинфламаторни, дигестивни и антиоксидантни својства. Оваа едноставна утринска навика ја подобрува циркулацијата, ја поттикнува хидратацијата, ја оптимизира апсорпцијата на хранливи материи, го зајакнува имунолошкиот систем, го активира метаболизмот и помага во исфрлањето на токсините.

Состојки:

1 литар вода

1 стапче цимет (или ½ лажичка ако е во прав)

2 кесички зелен чај

3 – 4 парчиња свеж ѓумбир

½ лажица куркума во прав

Лажица органски мед за засладување (по желба)

Подготовка:

Ставете ги сите состојки во тенџере.

Сварете ја водата.

Истурете во стаклен сад и процедете низ цедалка.

Чувајте го билниот чај во фрижидер и пијте по една шолја секое утро откако ќе го загреете во микробранова печка околу 30 секунди.

Искуствата на оние кои го пробале овој древен пијалак се претежно многу позитивни, бидејќи тврдат дека им ја намалува желбата за грицки наутро, што помага во одржувањето на линијата и дава дополнителна енергија за почеток на денот.