Иако се разделиле уште во 2015 година, а разводот бил финализиран во 2018, нивната приказна и понатаму ја интригира јавноста, пишува „Hello! Magazine“.

Најтешкиот удар не бил притисокот од медиумите

Во разговор за „Marie Claire“, ѕвездата на серијата „Alias“ признала дека болката од разводот дополнително била засилена од огромниот интерес на јавноста за нејзиниот приватен живот. „Мора да бидете паметни и да знаете што можете, а што не можете да поднесете, а јас не можев да го поднесам она што беше надвор [во медиумите]“, рекла таа.

Сепак, нагласила дека медиумските написи не биле најтешкиот дел од целото искуство. „Но она што беше надвор не беше тоа што беше тешко. Тежок беше самиот факт. Вистинскиот распад на едно семејство беше тоа што беше тешко. Загубата на вистинско партнерство и пријателство беше тоа што беше тешко“, објаснила актерката.

Таа додала дека во тој период од животот најголема поддршка ѝ биле пријателите и семејството, што ја научило да се потпира на најблиските. „Вложувам голем, свесен напор што почесто да ги гледам моите луѓе, затоа што тоа е важно… Тука лежи вашата отпорност: во односите и во луѓето што ве носат низ сè“.

Партнерство за кое не верувала дека ќе го врати

И покрај сè, Џенифер и Бен денес се пример за успешно заедничко родителство за нивните деца – Вајолет (20), Серафина (17) и Семјуел (13). Поранешните сопружници често може да се видат заедно во јавност, а нивниот однос делува пријателски и хармонично.

„Толку многу нешта во мојот живот ме изненадуваат … тоа што во овој момент сум способна за заедничко родителство со мир и сталоженост и за партнерство за кое не знаев дека некогаш ќе го вратам“, објаснила актерката.

Таа им порачала и на другите жени кои поминуваат низ слични ситуации дека времето ги лекува раните.

„Мислам дека е важно жените да знаат, кога ќе помислат: ’Ох, никогаш повеќе нема да го доживеам тоа, никогаш повеќе нема да го имам тоа чувство, никогаш повеќе нема да бидам пријателка со таа личност‘, дека времето е можност. Времето е можност за исцелување. Времето е можност за простување, за продолжување понатаму и за наоѓање нов начин да бидете пријатели“, нагласила Гарнер.

Бен, исто така, во едно интервју за „GQ“ ја пофалил поранешната сопруга. Рекол дека е „навистина среќен [што] има навистина добра со-родителка и партнерка во Џенифер Гарнер, мајката децата, која е прекрасна и одлична и со која многу добро соработува“.

„Родителството се променило“

Гарнер открила и дека нејзиниот родителски стил се променил откако нејзините деца влегле во тинејџерските години.

„Родителството сега се промени. Повеќе станува збор за повоздржано родителство… Мора да им дозволите да пораснат и да ги носат своите одлуки. Не можете да го контролирате тоа“, рекла добитничката на Златен глобус. Таа додала дека е исклучително горда на своите деца: „Толку сум горда на начинот на кој чекорат низ светот и горда сум на нив затоа што се трудат… едноставно се толку кул“.

Заштита на децата од јавноста

Признала дека постојаниот интерес на јавноста за нејзините деца е „најтешката работа“. „Не е тешко во поширока смисла на тоа што е тешко во светот, но е незгодно за мене и незгодно за моето семејство“, изјавила Џенифер.

Поради тоа се труди да ги заштити од озборувања. „Не ми користи да впивам озборувања за себе или за кој било друг, а камоли за моите деца, па тоа не го правам“ Додека најстарата ќерка Вајолет студира на престижниот Универзитет Јејл, Серафина го завршува средното училиште, а најмалиот Семјуел е страстен љубител на спортот, особено на кошарката.