Затоа откривањето на најевтината куќа за живеење во првиот ред до морето, до која се пристапува и по пат, на полуостровот Пељешац, ги изненади дури и самите купувачи, кои секојдневно се јавуваат за овој имот, вели сопстственикот на агенција за недвижнини Дамир Ѓурачиќ.

Станува збор за куќа во Блажево, со површина од 83 м², по цена од 350.000 евра. Имотот се наоѓа во првиот ред до морето, без пат или туѓ плац помеѓу влезот во морето и куќата.

„Тоа е цената на стан во Дубровник, а станови постојано се градат. Ваков имот покрај брегот се појавува многу ретко. Го продаваме веќе десет дена, а телефонот постојано ни ѕвони, па го покажуваме на секои неколку дена“, открил Ѓурачиќ за „Слободна Далмација“.

Според огласот, куќата се наоѓа на мирно место, недалеку од Пељешкиот мост. Станува збор за двокатна куќа погодна за семеен живот или туристичко изнајмување. Парцелата е малку поголема од 200 м², а просторот за живеење од 83 м² е функционално искористен. На приземјето има отворен простор за живеење што ги поврзува кујната, трпезаријата и дневната соба со пристап до дворот. Дрвеното скалиште води до катот со три спални соби, а главната просторија има пристап до тераса со поглед на морето. Дворот вклучува две мали градини и нуди покриен паркинг простор.

„Куќа за живеење во историскиот центар на Стон се продава за околу 2.000 евра по м²“

Ѓурачиќ потоа зборува за недвижнини во историското јадро на Стон, каде што добро го познава пазарот и цените по кои се продаваат.

„Цените се зголемуваат секој ден. Тукушто ја завршуваме продажбата на куќа за живеење. Досега, главно посредувавме во продажба на урнатини. Ако зборуваме за урнатини со зачувани надворешни ѕидови, просечната цена беше околу 800 евра по м². Куќа за живеење во историското јадро на Стон се продава за околу 2.000 евра по м². Становите во Стон се продаваат многу брзо, за 1 до 3 дена, а цените на некои од оние што досега сме ги продале достигнаа и до 3.000 евра по м²“.

Кога станува збор за општите цени на недвижнини и реализираните износи на продажба, разликите често се големи. Очекувањата на продавачите обично се значително повисоки и честопати нереални. „Пазарот е мал и тешко е да се направи точна проценка. Луѓето мислат дека можат сами да го сторат тоа, ги гледаат огласите и додаваат 100.000 евра затоа што имаат поголема квадратура. Огласените цени и реалните продажни цени на недвижнините честопати се разликуваат и до 30 проценти“, заклучува сопственикот на агенцијата.