Новата налепница и централна база на податоци ќе им помогне на возачите при купување на половни автомобили на територијата на ЕУ, додека пак брендовите кои нема да достават точни податоци ќе бидат казнети.

Главата цел на овие промени е да се обезбеди целосна транспарентност на пазарот. Тоа значи дека класичната AG налепница, позната од светот на белата техника, сега ќе стане законско барање за сите возила кај препродавачите на автомобили. Налепницата ќе им овозможи на потрошувачите брз преглед и реална потрошувачка на енергија и емисија на јаглерод-диоксид пред купување на автомобилот.

Енергетска ефикасност на производот

AG енергетските налепници се информативни ознаки кои на потрошувачите на едноставен и стандардизиран начин им ја прикажуваат енергетската ефикасност на производот, на скала од A (најефикасен) до G (најлош), како и дополнителни податоци за потрошувачката на енергија и влијание на животната средина.

Нивната цел е да овозможат полесна споредба на различни производи, поголема транспарентност на пазарот и да го поттикнат изборот на енергетски поефикасно решение, што долгорочно придонесува во намалување на потрошената енергија и емисија на штетни гасови. Сите информации за поединечни модели ќе се собираат во централната европска база на податоци за чие ажурирање ќе бидат одговорни произведувачите на автомобили.

Секогаш точни податоци

Овие новини се воведени за да се обезбеди сите податоци секогаш да се точни и лесно да може да се споредуваат по пат на националните граници ширум ЕУ.

Препродавачите на автомобили ќе мора да внесат податоци и за постарите половни автомобили, за купувачите да имаат увид во потрошувачката на гориво и емисија CO2. Новите налепници ќе содржат значајно повеќе детали отколку моменталнитe ознаки кои денес ги гледаме на новите автомобили.

Покрај потрошувачката, налепницата ќе прикажува и информации за нивото на бучава и домет на електрични возила во различни временски услови.

Според Европската комисија, иницијативата ќе помогне во остварување амбициозни климатски цели за 2030 и 2035 година.

Со тоа потрошувачката на енергија ќе биде видлива за сите, а се очекува возачите да бидат мотивирани да купуваат енергетски ефикасни возила. Брендовите и автомобилските групи кои нема да достават точни податоци во новата база на податоци ризикуваат големи казни и ограничување на продажбата во ЕУ.