Снимањето било направено во близина на индонезискиот остров Нуса Пенида, стотина метри под површината.

Потрага на „Островот на црна магија“

За експериментот го избрал Нуса Пенида, којшто локалците го нарекуваат „Остров на црната магија“ и со кој се поврзуваат бројни легенди. Диларстоун вели дека таму научил да нурка и почнал да ја спушта камерата во голема длабочина, надевајќи се дека ќе сними вид којшто досега е непознат за науката.

„Испадна дека сум бил доволно луд да ја спуштам камерата стотина метри длабоко“, изјавил, додавајќи дека успеал да го направи „првото видео на најмалку два големи длабокоморски видови кои пливаат во водите“.

Првпат снимено морско куче

Со помош на подводната камера меѓу другото снимил и морско куче. Станува збор за вид препознатлив по виткото тело, големите очи и боцки пред грбната перка. За разлика од големите ајкули, нивните заби не се приспособени за сечење туку за фаќање плен.

Единката била снимена на 200 метри длабочина додека приоѓала до мамецот поставен на камерата. Диларстоун тврди дека околу камерата се движеле и други единки.

Таинствена ража

На видеото подоцна се појавило и големо, сплескано животно за кое тврди дека станува збор за ража. Ја опишал како еднолична, со кафеаво-виолетова боја, со отворени боцки по должината на опашката и способност за ненадејно забрзување.