Посниот гулаш може да биде многу богат и вкусен доколку се подготви како оние во рестораните, со многу зеленчук, добри зачини и бавно варење.

Еве еден рецепт како оние од рестораните за најубавиот посен гулаш полн со вкус.

Состојки:

🍲2 кромиди;
🍲2 моркови;
🍲1 црвена пиперка;
🍲300 грама шампињони;
🍲2 компири;
🍲2 чешниња лук;
🍲2 лажици масло;
🍲1 лажица мелен пипер;
🍲1 лажица доматно пире;
🍲1 лажица магдонос или целер;
🍲1 ловоров лист;
🍲сол и бибер;
🍲700 милилитри вода или бујон;
🍲по желба, малку лута пиперка.

Подготовка:

1. Ситно исечкајте го кромидот и пржете го на масло додека не зарумени. Во рестораните кромидот се пржи малку пoдолго за да му даде подобра арома на гулашот.

2. Додадете ги исечканите моркови и пиперката, па кратко пржете (околу 5 минути).

3. Додадете ги шампињоните исечкани на поситни парчиња. Додадете сол и бибер, па варете додека не пуштат вода.

4. Додадете го лукчето, мелената црвена пиперка и доматното пире. Помешајте.

5. Додадете ја водата или бујонот, додадете го компирот исечкан на коцки и ловоровиот лист. Варете на средна температура околу 40 минути, додека компирот не се свари, а гулашот не згусне.

6. Пред крај додадете го магдоносот или целерот. Ако сакате погуст гулаш, изгмечете неколку коцки од компирите.

Совети од ресторанска кујна:

Бујонот наместо вода дава поинтензивен вкус.

Димената пиперка може да даде арома слична на гулашот со месо.

Бавното варење го прави вкусот подобар.

Посниот гулаш често е повкусен од стандардниот.

Како да го послужите?

Најдобро се комбинира со: свеж леб, тестенини, палента или пире од компири.

На здравје!