Околу дваесет лица се повредени во напад со балистичка ракета извршен од Иран врз јужниот израелски град Димона, соопштија израелските служби за итни случаи.
Како резултат на ударот, евидентирана е материјална штета на блиските станбени згради.
Very close footage of Iranian missile hitting Dimona tonight. https://t.co/k0eps71ROl pic.twitter.com/sDso1Zqv3E
— Clash Report (@clashreport) March 21, 2026
Во Димона се наоѓа главниот нуклеарен објект на Израел.
Постројката изградена во 1960-тите со помош на Франција, се смета за клучна за израелската нуклеарна политика.
Според проценките, во него се произведува плутониум за непријавена програма за нуклеарно оружје, со арсенал што се проценува на 80 до 400 боеви глави.
More footage showing the impact of an Israeli ballistic missile in the southern Israeli city of Dimona. Israeli emergency services have said that ~20 people were lightly injured following the strike. Israel’s Home Front Command has said that they have dispatched search and rescue… pic.twitter.com/8UVBNXlpC5
— OSINTdefender (@sentdefender) March 21, 2026
Израел е една од петте земји – заедно со Индија, Пакистан, Северна Кореја и Јужен Судан – кои не го потпишале меѓународниот договор за неширење на нуклеарно оружје. Тој ги обврзува земјите да ја промовираат мирната употреба на нуклеарната енергија и да го спречат ширењето на нуклеарното оружје.
Иран е потписник на договорот, но Израел и светските сили го обвинуваат Техеран за негово кршење со непотребно збогатување на ураниум до ниво доволно за нуклеарно оружје.
Договорот признава само пет држави како официјални нуклеарни сили: Велика Британија, Кина, Франција, Русија и САД – петте постојани членки на Советот за безбедност на ОН. Сите тие тестираа нуклеарно оружје пред 1967 година, годината што договорот ја поставува како граница за ова признавање.
