Сите оние кои отсекогаш велеа дека приказната за Хари Потер мора да биде телевизиска серија, сега конечно ја видоа: HBO официјално го објави првиот трејлер за новата адаптација на серијалот романи од Џ. К. Роулинг за момчето волшебник.

Во него, за првпат имаме можност да го видиме Доминик Меклафлин како Хари Потер, додека Арабела Стентон и Алистер Стаут ги играат улогите на Хермиона Гренџер и Рон Визли.

Екипата што ќе ги оживее саканите ликови во серијалот Хари Потер е одамна позната, а по објавувањето на трејлерот, истата тема е повторно во центарот на вниманието - актерот што го игра Северус Снејп.

Улогата на професорот по напивки ја играше Алан Рикман во филмовите, додека во серијата ќе го видиме Папа Есиједу како Снејп, а има многу негативни коментари на социјалните мрежи.

Продуцентите се обвинети дека се обидуваат насилно да создадат привид на еднаквост, дека менуваат важни делови од книгите, а постои и страв од тоа како ќе изгледаат сцените во кои Снејп трпи насилство од врсници како момче, бидејќи бојата на неговата кожа може да го промени тонот и контекстот.

Му се заканувале со смрт за да се откаже од улогата на Снејп

Папа Есеиду неодамна открил дека откако било објавено дека тој е новиот Северус Снејп, добил закани со смрт и дека обожавателите на серијата Хари Потер инсистирале да се откаже од улогата.

„Иако се надевам дека ќе бидам добро, никој не треба да поминува низ нешто вакво само затоа што си ја работи својата работа. Многу луѓе го ризикуваат животот на работа. Јас играм волшебник во Хари Потер. Но, би излажал ако кажам дека тоа не ме погодува емоционално“, истакнал тој за „The Times“.

Сепак, тој додал дека „таа злоупотреба го движи“ и го тера да работи уште пострасно за да го направи овој лик свој, како и да се потсети како се чувствувал кога бил обожавател на оваа приказна како дете.

„Се замислив себеси во Хогвортс на метла, а идејата дека дете како мене може да се види себеси претставено во тој свет... Ова е мотивација да не се плашам од некој што би сакал да умре отколку да работи работа на која ќе бидам навистина горд“, истакнал Папа Есеиду.

Актерот Џејсон Исакс, кој го играше Луциус Малфој во филмовите, беше огорчен од расистичките коментари од минатата година за изборот на глумци за Есеиду.

„Тој е еден од најдобрите глумци што сум ги видел во животот!“, изјавил Исакс, па додал: „Ќе си го проголтаат јазикот, знаете, дигиталниот јазик, кога ќе видат што прави Папа на екранот“.

Кој е Папа Есеиду?

Англискиот актер по потекло од Гана е роден во Лондон во 1990 година, а откако неговиот татко се вратил во Африка, неговата мајка се грижела сама за него.

Тој покажал талент за глума уште од рана возраст, а својата кариера ја започнал во 2013 година како многу талентиран театарски актер. Млад, се приклучил на Кралската Шекспирова компанија и играл во „Кралот Лир“, „Хамлет“, „Ромео и Јулија“ и бројни успешни претстави, како и во радио-драми, а подоцна и во серии на „Би-Би-Си“.

Бел номиниран за наградите „Еми“ и „БАФТА“ за неговата улога во серијата „Можам да те уништам“, играл во сериите „Црно огледало“ и „Лондонските банди“, а во последните години гради кариера како филмски актер.

Папа Есеиду е во брак со актерката Роза Робсон од 2023 година, со која претходно беше во врска осум години.