Пред два дена беше 27-годишнината од бомбардирањето на Србија, а сите што биле доволно возрасни во 1999 година, дури и многу малите деца, се сеќаваат на сите ужаси, стравови и неизвесности собрани во 78 долги дена. Меѓу нив бил и Новак Ѓоковиќ, тогаш 12-годишно дете, кој добро се сеќава на сè. Особено на засолништето каде што се криел со семејството и соседите.

Пред пет години, Новак Ѓоковиќ на американскиот новинар Греам Бенсингер му го покажал засолништето каде што престојувал за време на бомбардирањето на НАТО врз Србија во 1999 година. Најдобриот тенисер во историјата на белиот спорт потоа ја однел екипата на емисијата „In Depth with Graham Besinger“ во подрумот на зградата каде што пораснал и зборувал за искуството, кое, како што истакнал, останало длабоко врежано во сеќавањето.

„Се наоѓаме во засолништето под станот каде што разговаравме пред малку. Тука ја поминувавме секоја ноќ најмалку 14 ноќи за време на бомбардирањето. Неверојатно е кога ќе помислите колку луѓе мораа да дојдат тука и да се сокријат од опасноста што доаѓаше од воздух“, изјавил Новак Ѓоковиќ во таа пригода.

„Сè е исто како пред 20 години“

Тој додал дека просторот изгледа речиси исто како што изгледал пред две децении.

„Ова практично останало исто како пред 20 години. Кога ќе размислам колку луѓе биле тука... Целата зграда, со повеќе од 50 станови, сите беа тука - семејства, деца, сите“, изјавил тој.

После тоа, Новак заминал во Германија, поточно во Минхен, во академијата на Никола Пилиќ, каде што продолжил да го усовршува својот талент. Сè после тоа е добро позната историја.

И само помислете каде почнал да го достигнува статусот на најдобар тенисер во историјата две децении подоцна!

Од подрумот на зградата до врвот на светот.