Легендарниот фудбалер Златан Ибрахимовиќ повторно откри некои детали од својот приватен живот и со тоа го привлече вниманието на странските и домашните медиуми.
Познат по својот остар јазик и став, поранешниот фудбалер Златан Ибрахимовиќ ја искористи можноста да открие некои детали од својот приватен живот. Иако највредните приказни ги чува за себе и за своето семејство, некои ги споделува со своите бројни обожаватели низ целиот свет.
Не толку одамна, тој зборуваше за родителството, но и за строгите правила што неговите деца мора да ги почитуваат. Сега, во интервју за „ABTalks“, тој повторно зборуваше за своето семејство, особено за сопругата Хелена Сегер, која му беше голема поддршка кога ја завршуваше фудбалската кариера.
Тој нагласи колку му биле вредни и корисни нејзините совети.
„Сопругата ми рече да се сетам кој се грижел за мене пред јас да почнам да се грижам за моето семејство. Таа се откажа од кариерата поради мене. Ме следеше во сè, се откажа од сè само за мене“, изјави Ибрахимовиќ кратко по завршувањето на неговата фудбалска кариера.
Тој понатаму објасни дека во нивниот однос постои јасна рамнотежа на одговорност.
„Таа има поголема одговорност за некои работи, јас за други. Луѓето можеби мислат дека сме семејство кое живее луксузен живот, но всушност таа готви и пере. Единствената помош што ја имаме е чистачката“, заклучил тој.
Двојката има две деца - синови Максимилијан и Винсент, кои, и покрај славата на нивниот татко, имале многу обично воспитување.
