Откако донеле одлука повеќе да не живеат заедно, девојка го уништила автомобилот на поранешниот партнер, кој ѝ го понудил возилото за да ги пренесе своите работи.
Снимка од една одмазда по раскинување во последните денови се шири на интернет и предизвикува бурни реакции. На неа се гледа девојка која намерно го оштетува автомобилот на својот поранешен партнер, правејќи штета што ќе го чини многу скапо. Иако тој ѝ дозволил да ги пренесе работите од станот што претходно го делеле користејќи го неговото возило, ситуацијата брзо се претворила во вистински хаос.
Видеото е објавено на Инстаграм и за кратко време привлече огромно внимание, со стотици илјади прегледи.
На снимката од надзорна камера првично се гледа како девојката внесува кутии во автомобилот, што на почетокот изгледа како обична преселба. Но, набрзо однесувањето се менува. Таа почнува грубо да ги фрла кутиите и да ги потпира на возилото без никаква грижа, притоа удирајќи го од ѕидот на гаражата. Во еден момент зема тврд предмет и удира по предниот дел од автомобилот, оставајќи видливи вдлабнатини и гребнатини.
Она што особено изненади многумина е нејзината смиреност додека го прави тоа. Без знаци на бес или нервоза, правела кратки паузи само за да донесе нови работи, па продолжувала со оштетувањето.
Корисниците на социјалните мрежи бурно реагираа. Коментарите се нижеа, а најголем дел од нив го осудија ваквото однесување.
„Ова ќе ја чини скапо кога ќе дојде до суд“, „Неверојатно колку некој може далеку да оди“, „Сега е јасно зошто повеќе не се заедно“, „Можела убаво да плати превоз“, „Кој нормален би ѝ дал автомобил на поранешна девојка по раскинување?“, пишуваа луѓето.
Сепак, имаше и такви кои посочија дека реакциите би биле многу поостри доколку во истата ситуација би се нашол маж.
