Како што пишува „Дејли мејл“, инаку популарните дестинации како Лимасол и Протарас, кои за време на велигденските празници редовно се полни, оваа година се забележливо попразни.

Нагли откажувања по почетокот на конфликтот

Соединетите Американски Држави и Израел започнаа напади врз Иран на 28 февруари, во момент кога кипарскиот туризам штотуку почна да закрепнува по зимскиот период. Дополнителен удар следуваше веќе на 2 март, кога дрон ја погоди британската воздухопловна база на островот, што предизвика бран откажувања.

Податоците на американската компанија „AirDNA“ покажуваат дека дневните стапки на откажување на краткорочните наеми скокнале од околу 15 отсто пред конфликтот на дури 100 отсто веднаш по почетокот на кризата. Иако бројките подоцна делумно се стабилизирале, во средината на март и натаму биле високи, околу 45 отсто.

Пад на побарувачката и цените

Здружението на хотелиери на Кипар бележи пад на резервациите од речиси 40 отсто во март, а сличен тренд се очекува и во април. Туристичките компании потврдуваат дека интересот за одмор на островот нагло ослабел.

Компанијата „Muskita Hotels“ известила за голем број откажувања за пролетните месеци, како и за значителен пад на резервациите за остатокот од годината. Сличен тренд бележи и синџирот „Thanos Hotels and Resorts“.

Според податоците на „Lighthouse Intelligence“, цените на сместувањето во април и мај паднале за околу 12 отсто во однос на периодот пред избувнувањето на конфликтот.

Туристите избираат „побезбедни“ дестинации

Негативниот тренд не е ограничен само на Кипар. Пад на резервации бележат и Грција и Турција, кои исто така реагираат со намалување на цените за да привлечат гости.

Истовремено, туристичката побарувачка се префрла кон дестинации што се перципираат како побезбедни. Меѓу нив се Малта, Хрватска и Италија, но и пооддалечени локации како Карибите — вклучувајќи ги Доминиканската Република, Јамајка, Барбадос и Бахамите.