„Volkswagen ID. Era 9X“ претставува нова офанзива на „Volkswagen“ на кинескиот пазар. Станува збор за голем семеен SUV со акцент на технологија, комфор и автономија.
Со должина од 5.207 мм и меѓуоскино растојание од 3.070 мм, овој модел е дури и поголем од „BMW X7“. Дизајнот ги следи модерните EV трендови – што подразбира разделени светла, „LiDAR“ сензор на покривот, вовлечени рачки и светлосна лента на задниот дел.
Кабината е организирана во конфигурација 2+2+2, со фокус на патниците. Достапни се два екрани од 15,6 инчи, дигитална инструмент табла и „head-up“ дисплеј.
Патниците одзади добиваат „zero-gravity“ седишта и сопствени екрани, вклучувајќи и еден на таванот од 21,4 инчи. Системот со 27 звучници дополнително го нагласува премиум карактерот.
Погонот е базиран на „EREV“ концепт: 1,5-литарски бензински мотор служи како генератор, додека тркалата ги придвижуваат електромотори. Основната верзија нуди 496 КС и батерија од 51,1 kWh, со електричен досег од 347 км и вкупен до 1.611 км.
Посилните верзии достигнуваат до 510 КС и 406 км на струја, односно 1.651 км вкупно, со забрзување до 100 км/ч за 5,6 секунди.
Моделот доаѓа и со напредни системи за асистенција, вклучувајќи автономно возење на автопат и во град, како и управување на задните тркала и воздушно потпирање за дополнителен комфор.
Со цена од околу 41.000 евра, „ID. Era 9X“ директно ги таргетира ривалите како „Li Auto L9“, „Aito M9“ и „Denza D9“.
