Во современата поп-култура често имаме впечаток дека славните пејачи и актери главно „од нула“ стигнуваат до успех, бидејќи, на крајот на краиштата, многу се познати неколку токму такви приказни.

Меѓутоа, тоа не е секогаш случај, па голем број познати личности всушност уживале во „живот на висока нога“ и многу пред да ги слушнеме нивните имиња, бидејќи потекнуваат од семејства кои веќе имале значаен финансиски или општествен статус.

Таквата позадина на нашите омилени пејачи и актери, директно или индиректно, им овозможила пристап до квалитетно образование, контакти и први професионални можности, иако тоа, секако, не го намалува нивниот талент и труд.

Бидејќи некои од познатите личности кои потекнуваат од ситуирани или влијателни семејства пред да изградат сопствени кариери се познати по скромност, оваа листа може и да ве изненади...

Лејди Гага

Иако Лејди Гага често истакнувала дека нејзиното семејство не е богато, нејзиниот татко бил сопственик на телекомуникациска компанија, а мајка ѝ потпретседателка во „Verizon“. Таа пораснала во привилегирана средина и посетувала престижно приватно училиште во дел од Менхетен познат како Апер Ист Сајд, додека нејзиното семејство денес поседува и ресторан во Њујорк.

Аријана Гранде

Аријана Гранде потекнува од семејство кое веќе било успешно во деловниот свет. Нејзината мајка била извршна директорка на компанијата „Hose-McCann Communications“, додека татко ѝ водел фирма за графички дизајн на Флорида. Нивните врски и стабилната финансиска состојба ѝ помогнале рано да добие можности за настапи, вклучително и пеење на крузери и изведување на химна на спортски настани.

Адам Левин

Адам Левин доаѓа од семејство кое поседува луксузен малопродажен синџир „M. Frederic“. Исто така посетувал елитно училиште во Брентвуд, во Лос Анџелес, каде ги запознал двајцата идни членови на својот бенд „Maroon 5“.

Тејлор Свифт

Таткото на Тејлор Свифт работел како брокер во фирмата „Merrill Lynch“, а на почетокот на нејзината кариера дури инвестирал во „Big Machine Records“ со купување малцински удел во компанијата. Таа финансиска поддршка одиграла значајна улога во раната фаза на нејзината музичка кариера.

Џулија Луис-Драјфус

Џулија Луис-Драјфус потекнува од едно од најбогатите семејства во светот. Нејзиниот татко Џерард бил претседател на голема деловна групација и милијардер, што ѝ овозможило растење далеку од финансиски грижи.

Оливија Вајлд

Таткото на Оливија Вајлд бил новинар и уредник на списанието „Harper’s Magazine“, додека мајка ѝ била наградувана документаристка. Актерката пораснала во интелектуално и општествено многу поврзана средина во Вашингтон, каде нивните семејни пријатели биле и светски познати личности.

Рашида Џонс

Рашида Џонс е ќерка на легендарниот музички продуцент Квинси Џонс, еден од најуспешните во историјата на музиката, чие богатство се мери во стотици милиони долари и кој работел со најголемите имиња во индустријата како Мајкл Џексон.

Бенедикт Камбербач

Семејството на Бенедикт Камбербач има долга историја на богатство, кое делумно потекнува од колонијални плантажи на шеќер на Барбадос. Актерот јавно зборувал за ова наследство и неговите контроверзни аспекти, како фактот дека неговите предци во 18 век имале робови од Африка.

Салма Хајек

Салма Хајек на почетокот на кариерата сакала да мислиме дека има скромно потекло, но таа во Мексико пораснала во семејство во кое татко ѝ бил висок раководител во нафтената индустрија и сопственик на компанија за индустриска опрема. Нејзиното семејство имало доволно средства да ѝ овозможи необичен луксуз во детството, па така Салма еднаш посакала да има тигар и веднаш добила неколку младенчиња од оваа дива мачка.

Едвард Нортон

Едвард Нортон потекнува од семејство кое е длабоко поврзано со урбаниот развој на Соединетите Американски Држави. Неговиот дедо Џејмс Раус бил пионер на модерните трговски центри и меѓу оние кои го изградиле градот Колумбија во Мериленд.

Пол Џиамати

Таткото на актерот Пол Џиамати бил претседател на Универзитетот Јејл, а подоцна и комесар на „Major League Baseball“, односно професионалната бејзбол лига. Покрај огромните приходи што ги имал, можел да се пофали и со значително влијание во академскиот и спортскиот свет.