Два пати имала рак, се омажила за жена и добила две деца: Како изгледа денес и со што се занимава Мартина Навратилова?

Во 1994 година, тениската легенда беше на врвот на својата кариера, а сега, повеќе од две децении подоцна, решила да се појави на телевизија и да ја тргне мистеријата околу своето име.

Таа ги изненадила сите кога се појавила во емисија во костим на Моп, под кој никој не ја препознал, а потоа со топла насмевка и хумор се пошегувала:

„Отсекогаш сакав да бидам Моп уште од детството“.

„Тргни го тоа! Тргни го тоа! Тргни го тоа! – извикувала публиката во шпанското шоу „Mask Singer“, желна да ја види славната личност скриена под костимот „Моп“.

Големото откритие ја шокирало публиката — тоа беше никој друг туку Мартина Навратилова (69).

Популарното шоу носи познати личности кои остануваат скриени зад комични маски. Во најновата епизода гостувала Навратилова, која има беспрекорна спортска кариера и преполн плакар со трофеи, со повеќе од 55 гренд слем титули.

Навратилова својот прв сингл го освоила на 17 години во Орландо, Флорида.

Оваа храбра шампионка од Чешка низ целата своја кариера ги рушела предрасудите. Во време кога тоа воопшто не беше популарно, на почетокот на осумдесеттите години, јавно зборувала за својата сексуална ориентација и поради тоа изгубила бројни спонзорства, но истовремено заработила почит од многумина.

Мартина во 2014 година повторно го оставила спортскиот свет без зборови, кога на Ју Ес Опен ја запросила својата долгогодишна партнерка Јулија Лемигова.

Таа споделила и детали за својата свадба:

„Брук Шилдс ѝ беше деверуша на мојата сопруга кога се венчавме. Крис Еверт ми беше кума“.

Исто така пред две години тениската ѕвезда го остварила едниот од своите соништа, кога станала мајка на две деца.

Јавноста ја интересираше која е занесната бринета што го освоила срцето на славната тенисерка. Медиумите почнаа да „копаат“ по нејзиното минато, а деталите што испливале на површина ги оставија сите во шок.

Се дознало дека како личност е многу интересна, но и дека имала многу трагичен живот. Јулија е ќерка на поранешен генерал на Црвената армија. Таа била последната Мис на СССР, но и втора придружничка на големиот избор „Мис Универзум“ во 1991 година.

Додека работела во банка во Женева, станала шефица на одделот за руски инвестиции, а потоа влегла во врска со оженетиот француски банкар Едвард Стерн, кој се развел и се оженил со неа во 1999 година. Сепак, нивниот брак не бил бајка, бидејќи тој бил ненормално опседнат и често ангажирал луѓе да ја следат.

Го добиле синот Максимилијан, но тој и понатаму не престанал да се сомнева во нејзината верност.

Тогаш во нејзиниот живот се случила трагедија што целосно ја скршила. Кога Максимилијан имал само шест месеци, ненадејно починал. Нагло му се влошила состојбата, итно бил префрлен во болница во Париз, но немало спас.

На обдукцијата било утврдено дека бебето имало повреди на мозокот. Полицијата ги испрашувала Стерн, Јулија, како и бугарската дадилка која го чувала. Обвинение никогаш не било покренато, а дадилката веднаш по трагедијата исчезнала без трага. Набргу по трагедијата нивниот брак се распаднал.

Во 2005 година, Стерн бил пронајден мртов во стан, а во него биле испукани четири куршуми од пиштол. На себе имал розов латекс костум. Иако изгледало дека станува збор за професионално убиство, полицијата утврдила дека угледниот банкар го ликвидирала проститутката Сесил Бросар.

Животот на Јулија потоа тргнал во сосема поинаков правец кога ја запознала Мартина. Тие веднаш сфатиле дека се сродни души. Нивната љубов трае повеќе од 12 години и заедно ги одгледуваат двете ќерки на Јулија, Викторија и Ема, чиј татко не е јавно познат.

„Додека растев во Русија, не ни знаев дека постојат истополови врски. Дури кога на 17 години се преселив во Лондон сфатив дека постојат такви односи. Во животот сретнав бројни познати личности, па така еднаш ја запознав и Мартина. Не бев љубител на тенисот, но знаев која е таа, па така започнавме разговор за нашето потекло. Вторпат случајно се сретнавме во еден ресторан и тогаш сфатив дека сакам повторно да ја видам. На почетокот нашата врска беше платонска, а потоа се јавија емоции“.

Иако уживала во љубовта, животот за Мартина имал поинакви планови. Во 2023 година ѝ бил дијагностициран рак на грлото и рак на дојката.

„Што се однесува до лекарите, јас се ослободив од ракот“ изјавила 66-годишната Навратилова гостувајќи во телевизиската емисија на британскиот водител Пирс Морган.

„Сè уште морам да внимавам на десната дојка, веројатно ќе биде потребно зрачење, но само неколку недели и тоа практично и не се смета. Тоа е полесно да се спречи отколку некои други работи. Ќе бидам добро, 99 отсто е решливо“ рекла тогаш.

Меѓутоа тоа не бил првпат да се соочи со болеста, бидејќи успешно ја победила уште во 2010 година. Тогаш ѝ бил дијагностициран рак на дојка, кој се повлекол по шест недели зрачење.

„Ова е двоен удар и многу е сериозно, но сè уште може да се поправи и се надевам на поволен исход. Ќе се борам со сè што имам“ изјавила Навратилова.

Оваа спортска легенда секогаш се покажувала како силна и храбра жена, и на теренот и надвор од него.