Францускиот омлет (француски omelette) е едно од наједноставните, но и најсложените јадења во готвењето. Во Франција, се смета за вистински тест за вештината на готвачот бидејќи се очекува од само неколку состојки да се добие совршен резултат: мазна, бледо жолта површина без темни траги однадвор и мека, кремаста текстура однатре.

За разлика од „потешките“ американски омлети исполнети со состојки, францускиот е минималистички и фокусиран на техниката и квалитетот на јајцата и путерот.

Оригиналниот француски омлет

Состојки (за 1 лице):

3 јајца (на собна температура);
20–30 г путер;
Прстофат сол;
Малку бибер (по желба);
Ситно сечкан магдонос, власец или малку сирење по желба.

Подготовка - чекор по чекор:

Изматете ги јајцата со виљушка (не со миксер) додека белките и жолчките целосно не се соединат. Целта е фина, рамномерна смеса без меурчиња додадете сол, бибер, сечкан зачин.

Во мал сад со нелеплива површина, растопете го путерот на средно-ниска температура - не смее да потемни.

Истурете ги јајцата и веднаш почнете да мешате и нежно да го протресувате садот. Вака се создаваат фини, кремасти слоеви.

Кога јајцата се речиси стврднати, но сепак малку кремасти во средината - тргнете од оган. Внатрешноста треба да остане мека, а не сува.

Наведнете ја тавата малку и превиткајте го омлетот во ролна или на три дела. Сервирајте „со шев“ надолу.

Доколку сакате, премачкајте го горниот дел со малку путер за сјај и дополнителен вкус.

На здравје!