Главната актерска екипа на серијата „Friends“ и денес, повеќе од дваесет години по завршувањето на емитувањето, заработува милиони благодарение на репризите кои сè уште се прикажуваат ширум светот.
Актерката Лиса Кудроу во неодамнешно интервју за „The Times“ откри колку таа и нејзините колеги од култната серија „Friends“ и денес заработуваат од репризите – а износите и понатаму се зачудувачки, дури и повеќе од дваесет години по завршувањето на емитувањето.
Во интервјуто, Кудроу наведе дека секој од шесте главни актери годишно заработува околу 20 милиони долари благодарение на таканаречените „residuals“ надоместоци, односно приходи од повторното емитување на епизодите на телевизија и стриминг платформи.
Тоа значи дека актерите и понатаму остваруваат огромна заработка и без снимање нови епизоди. Оваа импресивна сума е резултат на паметен договор што главните членови на екипата го избориле уште за време на снимањето на серијата.
Имено, Џенифер Анистон, Кортни Кокс, Метју Пери, Дејвид Швимер, Мет Лебланк и Лиса Кудроу успеале да обезбедат удел во приходите од репризите, што се покажало како една од најисплатливите одлуки во историјата на телевизијата.
Серијата „Friends“ и денес е исклучително популарна ширум светот. Репризите континуирано се прикажуваат на бројни телевизиски канали, додека стриминг платформите плаќаат огромни суми за правата за емитување. Токму поради таа постојана побарувачка, приходот од серијата и понатаму расте, а се проценува дека носи стотици милиони долари годишно.
Да потсетиме, во текот на последните сезони, главните актери веќе заработувале околу еден милион долари по епизода, што во тоа време било преседан во телевизиската индустрија. Сепак, вистинскиот финансиски успех дошол дури по завршувањето на серијата, преку долгорочните приходи од репризите.
Тоа потврдува дека „Friends“ не се само една од најомилените серии на сите времиња, туку и еден од најпрофитабилните проекти во историјата на телевизијата.
