Островот е толку низок што едвај се издигнува над Ваденското Море, па поплавите се честа појава во овој регион, а куќите се градат на вештачки издигнати платформи.

Ја нарекуваат „Lorenbahn“

Жителите некогаш, за време на големи бури, биле целосно отсечени од остатокот од светот, пренесува „Pun Kufer“.

Поради тоа, како „врска“ со копното била изградена железничката линија Литморзил-Нордштрандисхмор, делумно поставена на вештачки насип, а локалното население ја нарекува „Lorenbahn“.

Станува збор за теснолиниска железничка пруга долга 3,5 километри, која минува преку Ваденското Море и го поврзува Нордштрандисхмор со копното, поточно со местото Белтрингхардер Ког.

Многумина ја нарекуваат и една од „најчудните“ железнички линии во Германија.

Дизел мотори наместо ветер

Кога била изградена во 1934 година, вагоните ги придвижувал ветерот, додека денес се користат дизел мотори.

Пругата првично била изградена како средство за транспорт на материјали потребни за зајакнување на островските заштитни насипи.

И денес служи за истата намена, но и за превоз на локалното население. Покрај тоа, многу домаќинства на островот имаат приватни вагони кои ги користат за сопствени потреби.

Исклучително живописно патување

Островот Нордштрандисхмор е дел од најголемиот национален парк во централна Европа – Шлезвиг-Холштајнишес Ватенмер, познат по својата прекрасна флора и фауна.

Иако возењето со овој необичен воз не трае долго, искуството е исклучително живописно.

Како изгледа ова патување, погледнете во видеото.