Овој метод детално е опишан уште во 1981 година во книгата „Опушти се и победи: шампионски перформанси“, а неговата тајна лежи во систематско и целосно опуштање на телото и умот.

Како правилно се применува воената техника?

Клучот за успехот е во постепено опуштање на мускулите од главата до петиците, проследено со смирување на мислите:

Опуштете го лицето

Започнете од челото, опуштете ги мускулите околу очите, образите и целосно ослободете ја напнатоста од вилицата. Фокусирајте се на дишењето.

Спуштете ги рамениците и рацете

Опуштете ги вратот и рамениците и спуштете ги што е можно повеќе. Оставете рацете целосно опуштено да лежат покрај телото, почнувајќи од надлактиците па сè до прстите.

Смирете го целото тело

Замислете топло чувство кое полека се движи од врвот на главата до врвовите на прстите на нозете. Дишете длабоко и полека издишувајте, дозволувајќи градите, стомакот и нозете да станат целосно тешки и опуштени.

Исклучете го умот

Додека телото ви е опуштено, важно е да ги „исчистите“ мислите. Замислете дека лежите во кану на мирно езеро под чисто сино небо или дека сте во удобна лежалка во целосно темна просторија.

Доколку мислите и понатаму ви лутаат, во себе непрекинато повторувајте ја фразата: „Не размислувај, не мисли“ во текот на 10 секунди.

Податоците покажуваат дека по шест недели редовно вежбање, оваа техника е ефикасна кај дури 96 проценти од луѓето.

Совети од експертите за побрзо заспивање

Д-р Сањив Котаре, невролог специјализиран за спиење, истакнува дека ваквото тренирање на мозокот всушност претставува форма на когнитивно-бихевиорална терапија.

Тој советува креветот да го користите исклучиво за спиење – заборавете на користење телефон, читање книги или гледање телевизија во него.

„Кога сте подготвени за спиење, придушете ги светлата за да почне да се лачи мелатонин. Дишете преку нос, фокусирајте се на движењето на стомакот и применете ја воената техника за опуштање на целото тело“, препорачува д-р Котаре.

Тој потврдува дека повторувањето на зборовите „не мисли“ е одличен начин да се замолчат непотребните мисли кои ве држат будни.

Кога е време да посетите лекар?

Доколку сте ја испробале оваа и други методи, а несоницата и понатаму влијае врз вашиот секојдневен живот, предизвикува хроничен замор и трае со месеци без никакво подобрување, време е да побарате помош од матичен лекар.

Напомена

Овој текст е од информативен карактер и не претставува медицински совет. За сите здравствени одлуки и проблеми со хронична несоница, консултирајте се со вашиот лекар.