Во голема мера, Будим и Пешта, секој сам по себе, нудат бројни атракции.

И како една од поинтересните активности, особено во потоплиот период од годината, се издвојува крстарењето по Дунав, кое е доволно широко во Будимпешта за да ги потсети многу туристи на море.

Од едната страна е Будим, препознатлива по едни од најубавите глетки, а од другата страна е Пешта, која е дом на најголем број туристички атракции.

Најубавата гледна точка

Сместен на во Будим, Рибарскиот бастион е една од атракциите, која не треба да ја пропуштите.

Покрај убавината на моќниот Дунав, од тоа место можете да уживате и во погледот на надалеку познатиот Верижен мост во Будимпешта, но и на целиот град.

Иако постојат различни теории за потеклото на името Рибарски бастион, истражувачите се согласуваат дека почнувајќи од крајот на 19 век, кога е изграден, ова утврдување никогаш не било користено за воени цели.

Една од најубавите згради

Зградата на Парламентот на Република Унгарија, изградена во неоготски стил, често се издвојува како најубава во цела Будимпешта.

Нејзината убавина е особено забележлива кога се гледа ноќе, кога оваа зграда е осветлена. Мора да се признае, не е помалку интересно да се набљудува оваа зграда од правецот на Рибарскиот бастион.

Мостовите во Будимпешта

Верижниот мост се издвојува како еден од симболите на унгарската престолнина. Иако постојат и други мостови преку Дунав, најинтересни за туристите се Ланчаниот мост и Мостот на слободата.

Бидејќи е најстар од сите мостови во Будимпешта, Ланчаниот мост привлекува најголемо внимание кај посетителите. Особено затоа што датира од средината на 19 век.

Во близина на Големиот пазар се наоѓа Мостот на слободата, препознатлив по својата зелена челична конструкција.

И секако трамвајот

Трамвајот со број 2 постои и во Будимпешта и може да биде од интерес за туристите кога го посетуваат главниот град на Унгарија.

Бидејќи станува збор за линија што се протега по должината на Дунав, патниците имаат можност да уживаат во многу атракции на Будимпешта додека се возат со овој трамвај.

Дури и ако не се расположени за прошетка, но сепак сакаат да видат дел од атракциите, доволно е само да го почекаат препознатливиот жолт трамвај што сообраќа на линијата број два и да уживаат во убавината на атракциите на Будимпешта и од таа перспектива.