Бразил е репрезентација со најмногу освоени титули на Светските првенства, но оваа јужноамериканска земја веќе повеќе од две децении нема пехар, а нема играно ниту финале.
Последната славна генерација на „кариоките“ е од 2002 година кога Роналдо, Роналдињо, Ривалдо, Кафу, Карлос, Жилберто Силва, Лусио…предводени од Сколари се изборија за пехар со славјето над Германија од 2-0 во Јокохама.
Бразилците и понатаму имаат квалитетни играчи, но има и доста прашалници, дилеми за тоа како функционираат како група, но сега тој проблем треба да го реши Карло Анчелоти.
Рафиња е еден од лидерите на овој тим, па тој е убеден дека тој или Винисис Жуниор се асови кои можат да го однесат Бразил до самиот крај на мундијалот.
- Вини е млад, но поради своето искуство и достигнувања може да реши меч на Светското првенство и да го донесе шестиот трофеј; се вклучувам и себеси во таа група.
- Пристигнавме добро подготвени. Мораме многу да го тренираме дефанзивниот дел. Ако се браниме добро, можноста за победа е многу голема. Ова натпреварување е кратко и опасно. Има малку време за организирање. Се обидуваме да се адаптираме и да стигнеме што е можно подобро за да не правиме грешки, - порача членот на Барселона.
