Низ годините, нивната врска поминала низ бројни подеми и падови, а Џејда отворено зборувала за најтешките периоди од нејзиниот живот. Во едно интервју, таа признала дека се борела со самоубиствени мисли, наведувајќи дека искуството со ајахуаска го променило нејзиниот поглед на животот.

Сепак, ситуацијата денес изгледа многу помирна. Според списанието „People“, повикувајќи се на извори блиски до двојката, Вил Смит и Џејда Пинкет повторно живеат под ист покрив веќе две години.

„Пред две години, Џејда се врати да живее со Вил. Тие се среќни, многу се сакаат и, како и секогаш, се посветени да бидат најголема поддршка еден на друг“, тврди извор за ова списание.

Нивните неодамнешни заеднички појавувања во јавноста, исто така, покажаа дека меѓу нив има добра атмосфера. На крајот на јуни, тие заедно присуствуваа на Неделата на модата во Париз, а неколку дена подоцна заедно го прославија 4 јули, Денот на независноста на Соединетите Американски Држави.

„Џејда беше со него, како и секогаш“, додал истиот извор.

Фотографиите од Париз и заедничкото појавување за време на празниците дополнително ги разгореа гласините дека сопружниците успеале да ги надминат големите проблеми. Иако ниту еден од двајцата не зборувал јавно за нивната моментална врска, извор тврди дека нивната врска е многу стабилна овие денови.

Според „People“, и Вил и Џејда ги сметаат своите деца за апсолутен приоритет, поради што одржувањето на семејната стабилност е исклучително важно за нив.

Шлаканица што го обиколи светот

Нивниот брак повторно се најде во центарот на вниманието по инцидентот на Оскарите во 2022 година, кога Вил Смит го удри комичарот Крис Рок на сцената затоа што се пошегува за неговата сопруга.

Џејда подоцна призна дека на почетокот мислела дека сето тоа е дел од однапред подготвен скеч.

„Мислев дека е невозможно Вил навистина да го удри, дека е шега. Дури кога Вил се врати на своето место, сфатив дека не е претстава“, изјавила актерката.

Иако поминаа низ еден од најтешките периоди во нивната врска, се чини дека Вил Смит и Џејда Пинкет успеаја да најдат заеднички пат и да обноват стабилна врска, далеку од рефлекторите што ги следат со години.