Мал авион се урна на Бахамите, при што загинаа сите патници. Според информации, авионот имал проблеми пред слетувањето и паѓањето резултирало со смрт на сите во леталото. Надлежните спроведуваат истрага за утврдување на причините.
Мал авион се урна на Бахамите, западно од главниот град Насау, при што загинаа сите 10 лица кои се наоѓале во леталото, соопштија локалните власти.
Леталото во петокот полетало од меѓународниот аеродром „Линден Пиндлинг“ во Насау кон аеродромот Сан Андрос.
Според првичните информации, авионот за време на летот наишол на проблеми и се урнал во грмушки непосредно пред слетувањето, пренесуваат медиумите.
Премиерот на Бахамите, Филип Дејвис, првично изјавил дека една личност преживеала во несреќата, но подоцна било потврдено дека и таа починала од здобиените повреди.
Идентитетите и возраста на жртвите засега не се официјално објавени. Надлежните органи ќе спроведат истрага за да ги утврдат причините за падот на авионот.
