[ФОТО] „Maybach“ покажа како изгледа вистинскиот луксуз: „Bentley“ и „Cadillac“ добија сериозен ривал

Моделот ќе се произведува во фабриката во Алабама, поради што „Mercedes“ го нарекува најлуксузниот SUV произведен во САД.

Надворешноста носи уште повеќе хромирани детали, нова маска на ладилникот со осветлена рамка и препознатливите елементи на „Maybach“.

Стандардно доаѓа со 22-инчни тркала, додека со доплата се достапни 23-инчни ковани бандажи со самонивелирачки знак на „Mercedes“.

Во кабината се наоѓа најновиот мултимедијален систем „MBUX Superscreen“ со три поврзани екрани од 12,3 инчи, додека патниците на задните седишта добиваат уште два екрана од 11,6 инчи.

Ентериерот е обложен со нова „Nappa“ кожа, а во задниот дел се наоѓа фрижидер со држачи за шишиња шампањ. Стандардната опрема вклучува и аудиосистем „Burmester“ со 15 звучници и моќност од 710 W.

Под хаубата се наоѓа нов 4,0-литарски V8 битурбо мотор со 48-волтен благ хибриден систем.

Бензинскиот агрегат развива 612 коњски сили (450 kW) и 850 Nm, додека електромоторот додава уште 23 коњски сили. Силата се пренесува на сите четири тркала преку деветстепен автоматски менувач.

„Mercedes“ го унапреди и управувањето, како и воздушната суспензија, додека опционалниот систем „E-Active Body Control“ е способен да го приспособува работењето на амортизерите дури 1.000 пати во секунда, да го навалува возилото во свиоци до три степени и да помага при возење надвор од пат.

Цената сè уште не е објавена, но се очекува да биде повисока од 180.000 евра.

Новиот „Mercedes-Maybach GLS 680“ во продажните салони ќе пристигне до крајот на 2026 година.