На црно-белата насловна страница, шпанската актерка и добитничка на Оскар, која воедно е и амбасадорка на „Шанел“, носи фустан украсен со монистра, светки и кристали од есенската колекција на „Шанел“ за 2026 година, дизајниран од Матје Блази.

Бујната фризура и нагласениот ајлајнер дополнително го истакнуваат гламурот на стариот Холивуд.

Едни воодушевени, други ја критикуваат претераната обработка на фотографијата

Насловната страница предизвика бројни реакции на официјалниот Инстаграм профил на шпанскиот „Вог“. Додека дел од следбениците беа воодушевени од фотографијата, други го критикуваа начинот на кој е прикажана Круз и сметаат дека фотографијата е премногу обработена.

„Неверојатна ❤️“, „Ова е прекрасно 😍😍😍😍“ и „Вау, вау, вау ❤️❤️❤️“ се само дел од позитивните коментари.

Но, други беа значително покритични. „Вие сте списание со големо општествено влијание и не правите ништо добро со тоа што 52-годишна жена ја прикажувате како да има 25 години. Многу жени поради тоа мислат дека мора да изгледаат толку совршено“, напиша една следбеничка.

„Пенелопе е прекрасна на своите 52 години. Зошто толку многу ја обработувате фотографијата за да изгледа помладо?“, праша друга следбеничка. „Прекрасна 🔥😍 Но, претерале со обработката на фотографијата. Изгледа како да има 20 или 30 години“, додаде друга.

Една следбеничка отишла и чекор понатаму: „Пенелопе е единствена… Па зошто тогаш на насловната страница ставивте некаква нејзина преполовена верзија? Двојно помлада, со половина од нејзиното тело и половина од нејзиниот живот… Оваа насловна страница е во најмала рака тажна. Доста веќе, Vogue Spain, навистина е доста“.