Оваа 41-годишна жена се присети на растењето во познатиот хотел „Sunset Marquis“, каде, како што вели самата, пробувала нови работи како тинејџерка.

Нејзината мајка Шерон во новиот документарец „If These Walls Could Rock“ рекла дека семејството Озборн престојувало во тој хотел секое лето додека Ози бил на американски турнеи, пред трајно да се преселат во Лос Анџелес.

Први искуства

„Го испив првиот пијалок во овој хотел. Го имав првиот бакнеж тука“, рекла Кели.

„Тука ја зедов мојата прва доза кокаин. Ми го даде еден од пријателите на татко ми од многу, многу, многу познат бенд. Никогаш не ми беше дозволено да им кажам на моите родители бидејќи ќе ме убијат.“

Вториот дом на Ози

Шерон додаla дека Ози, кој почина во јули 2025 година на 76-годишна возраст, уживал во хотелскиот начин на живот, кој таа го опишала како „секс, дрога и рокенрол“.

„Тој го сакаше ова место затоа што можеше слободно да оди, можеше да се движи низ градината. Во тоа време сè уште пушеше“, реkla таа. Таму се среќаваше со други гости, па според неа, имало атмосфера на дом каде што сте опкружени со пријатели.

Кели го опишала „Sunset Marquis“ како „единствениот хотел каде што нејзиниот татко можеше да престојува во тоа време и да биде свој“.

„Ќе нè избркаа, но не од „Sunset Marquis“. Татко ми можеше да биде пристојно непослушен тука“, додала таа.

Ноќ на скршени чаши

Били Гибонс, легендата на „ZZ Top“, често се дружел со Ози во хотелот и се сеќава на една ноќ посебно.

„Ози Озборн беше на базенот во Marquis. Ме покани да му се придружам и го спомена ресторанот Le Pirate“, почнал Гибонс. „Таму беше вообичаено да се кршат чаши на крајот од вечерта, па рече: „Можеби треба да го претставиме тоа на Marquis.“

Гибонс, познат по својот хит „Gimme All Your Loving“, забележал дека многу од гостите шетале боси, но Ози сепак решил да ја скрши чашата, поттикнувајќи ги и другите да го следат примерот.

„Во рок од 30 секунди, секоја чаша околу базенот беше на парчиња“, се присетил тој.

„Стана толку опасно што никој не можеше да си замине, па забавата продолжи до доцна во ноќта. Ова се соништа што се случуваат во Мarquis“, заклучил Гибонс.