„Веќе некое време живееме одвоено и се покажа дека тоа е најдобрата одлука за нас и нашето семејство. Секогаш ќе бидеме тука еден за друг - и тоа е добро“, рекоа тие во соопштението.

Од заеднички настап до тајна венчавка

Нивната приказна започна во 2015 година, кога заедно глумеа во претставата „The Way We Get By“ надвор од Бродвеј. Подоцна истата година, тие повторно соработуваа на филмот „The Last Word“, по што започнаа врска.

Во март 2016 година, тие потврдија дека се заедно, а во септември истата година ја објавија својата свршувачка. Тие се венчаа во март 2017 година, само неколку дена пред раѓањето на нивното прво дете. Церемонијата беше тајна и многу едноставна.

Сејфрид подоцна проговори за нивната венчавка.

„Избегавме и се венчавме во тајност. Отидовме во природа само со матичарот, ние двајцата, и сè направивме на наш начин. Беше прекрасно, токму онака како што требаше да биде. Бевме сами и целосно посветени еден на друг“, изјавила таа.

Семеен живот подалеку од јавноста

За време на бракот, двојката се обидуваше да ја зачува приватноста на семејниот живот. Тие живееја далеку од вревата на Холивуд и ги одгледаа своите деца на фарма во државата Њујорк.

Тие имаат две деца: осумгодишната ќерка Нина, родена во март 2017 година, и петгодишниот син Томас Џуниор, роден во септември 2020 година. Иако раскинаа без многу медиумско внимание, се чини дека Сејфрид и Садоски останаа во добри односи. Садоски често ја поддржуваше Аманда во промоциите на нејзините проекти, додека таа зборуваше во едно интервју претходно оваа година за неговата поддршка дома додека работеше на тешки снимања.

Само неколку часа пред да ја објават својата разделба, Сејфрид ја сподели фотографијата со Садоски на социјалните мрежи.

Нивната заедничка изјава, исто така, нагласува дека, и покрај разделбата, тие имаат намера да останат семејство и дека благосостојбата на нивните деца е на прво место.