Хилари Даф засекогаш остана запаметена како заштитно лице на една безгрижна ера, кога на почетокот на 2000-тите го освои светот со улогата во серијата „Lizzie McGuire“.

Откако неодамна повторно нè врати во тинејџерските денови со најавата за нејзината голема повратничка турнеја, Хилари докажа дека публиката и понатаму е носталгична и „гладна“ за нејзините песни.

Колешката ја обвини дека е „злобна мајка“

Меѓутоа, ова големо враќање под рефлекторите не помина без драма. На турнејата ѝ претходеше вистински медиумски скандал кога колешката од помладите денови, Ешли Тисдејл, на социјалните мрежи ја обвини Хилари дека била типична „mean girl“. Иако не ја именуваше, нејзините следбеници брзо ги споија коцките и сфатија дека станува збор за Хилари кога ја спомна „токсичната група на познати мајки“.

Целата приказна стана уште побурна кога во драмата се вмеша сопругот на Хилари, Метју Кома, кој возврати со јавни прозивки, додека самата Хилари изјави дека се чувствувала искористено и повредено поради тие тврдења. Инаку, Хилари е мајка на четири деца – има син Мајк од првиот брак и три ќерки кои ги добила со Метју.

Лош однос со сестрата

Целиот случај дополнително ги разбранува страстите бидејќи во драмата се вмеша и нејзината родена сестра, Хејли Даф. Иако сестрите Даф со години важеа за неразделни и исклучително блиски – уште од заедничките музички и актерски проекти од почетокот на кариерата, нивниот однос поминувал низ сериозни подеми и падови под притисокот на јавноста, а дека работите не се добри стана јасно и кога Хилари го објави албумот „Luck... or Something“, на кој се наоѓа песната „We Don't Talk“, во која јасно објасни како изгледа нивниот однос.

Хилари во интервјуа изјави дека во моментов најосамениот дел од нејзиниот живот е тоа што сестра ѝ не е покрај неа, но дека процесот на пишување на песната бил начин да ги залечи своите рани и да ја изнесе својата страна од приказната, а не да нападне некого.

Хаос со нејзиниот татко и парите

За жал, Хејли не е единствената од семејството со која Хилари има затегнат однос. Најголемиот и најтежок конфликт всушност го имала со таткото, Роберт Боб Даф.

Хилари била на врвот на славата кога нејзините родители се развеле, а Роберт, како ко-менаџер и старател над нејзината заработка додека била малолетна, се обидел да задржи и контролира милиони долари што младата актерка ги заработила.

Конфликтот толку ескалирал што Боб Даф се заканил дека нема да ги потпише клучните деловни договори за Хилари доколку не му се исплати половина од нејзината заработка. Судските службеници во еден момент побарале и негово апсење поради одбивање да овозможи увид во финансиските сметки и компензациските фондови на Хилари.

Мајката на Хилари виновна за лошиот однос меѓу сестрите?

Истовремено, мајката на Хилари, Сузан Даф, била таа која ги туркала двете ќерки во шоу-бизнисот и управувала со нивните кариери. Многу биографи и медиуми истакнуваат дека динамиката во која целото семејство живеело од работата на Хилари создала нездрава атмосфера во која финансиите биле измешани со родителската љубов, што трајно ги оштетило односите меѓу сите нив.

Се споменува и дека нејзината сестра Хејли отсекогаш била љубоморна на нејзиниот успех и пари, а колку пари има актерката најдобро покажал и фактот дека своевремено заборавила дека има прескапа чанта со детали од злато.

Станува збор за сина „Birkin“ чанта која се проценува на повеќе од 25.000 евра, а актерката се „пофалила“ на социјалните мрежи дека случајно ја пронашла.

„Ја купив оваа „девојка“ пред речиси 20 години во Париз и решив да ја исчистам од прашината и да ѝ дозволам да ја види светлината на денот за време на нашиот викенд-одмор. Толку е слатка“, напиша Даф на Инстаграм, што значи дека ја купила чантата околу својот 16-ти роденден, кога беше ѕвезда на Дизни, со што јасно се гледа колку всушност заработувала актерката.