[ФОТО/ВИДЕО] Бред Пит привлече внимание во Париз со смела модна комбинација: Циклама панталони и зелена јакна
Бред Пит го привлече вниманието со својот моден избор кога вчера се појави во Париз, облечен во панталони во циклама боја, за време на излегувањето со својата девојка Инес де Рамон.
Холивудскиот актер (62) ги привлекувал погледите со впечатливите панталони, кои ги искомбинирал со подеднакво впечатлива зелена јакна, откако присуствувал на концертот на Џејмс Блејк.
Бред го надополнил изгледот со бела кошула, црни чевли и очила со златна рамка.
Инес, како и обично, изгледала гламурозно во кремаста јакна, која ја искомбинирала со бела маица и црни кожени панталони.
Триесет и тригодишната дизајнерка на накит го заокружила изгледот со модерни очила за сонце, а се насмевнувала додека чекорела рака под рака со својот партнер.
Парот, кој е во врска речиси четири години, делувал исклучително расположено по концертот.
Бред и Инес се појавиле на концертот само неколку дена откако му пружиле поддршка на Џорџ Клуни и неговата сопруга Амал, кои во петокот вечерта беа домаќини на доделувањето на наградите „Алби“ организирано од Фондацијата „Клуни за правда“.
Бред и Инес се заедно од крајот на 2022 година. За првпат се појавија заедно во јавноста на концерт во Лос Анџелес во ноември 2022 година, а извор тогаш за магазинот „Пипл“ изјави дека тајно се гледале веќе неколку месеци.
Инес се пресели во домот на Пит на почетокот на 2024 година, а заедно се појавуваа на настани како што се Филмскиот фестивал во Венеција во септември 2024 година, Големата награда на Британија во јули 2024 година, како и финалето на тенискиот турнир „Ју-Ес Опен“ на 12 и 13 септември оваа година.
