Неформални групи млади може да предложат локални акции за пешачење, велосипедизам и побезбедно движење, со поддршка до 30.000 денари по акција. Повикот на „Вело Училишта“ и Националниот младински совет на Македонија е отворен до 20 ноември 2026 година.

Наменет е за млади од 16 до 30 години кои не се вклучени во образование, вработување или обука, односно припаѓаат на категоријата NEET. Групите не мора да бидат регистрирани како здруженија.

Какви идеи се поддржуваат?

Меѓу примерите се мапирање небезбедни места за пешаци и велосипедисти, кампањи за активна мобилност и локални работилници. Прифатливи се и други идеи што ги исполнуваат целите на повикот.

За пријавување се потребни формулар со опис на идејата и образец за буџет. Документите и адресите за доставување се наведени во официјалниот јавен повик.

Избраните активности треба да завршат најдоцна до 31 декември 2026. За поддршката одлучува комисија од двете организации, во рамките на проектот RE:ENGAGE.