“Autoblog” објави интересен податок за квалитетот на климата која се вградува во престижниот автомобил.
Имено, компресорите на климата во “Bugatti Chiron” поседуваат капацитет од 10 kW, а таа сила е доволна за ладење на стан од 80 квадратни метри. Можете и сами да претпоставите дека поставувањето на клима уредите во автомобилите како “Chiron” не е воопшто едноставно, а станува збор за сегмент на кој купувачите и тоа како обрнуваат внимание.
Перформансите на моторот, менувачот, суспензијата – сето тоа е многу важно при купувањето на автомобил, но секој во 21 век обрнува внимание и на клима уредот, а високите перформанси на таквите автомобили вршат големо оптоварување на истиот.
Тука се и конструкциските проблеми бидејќи предното стакло на “Bugatti Chiron” е поставено под агол од 21,5 степени, додека кај повеќето, на пример компактни автомобили, е поставено под агол од 30 степени.
Поради тоа, внатрешноста на автомобилот е повеќе изложена на сонце и кабината се грее. Ако на тоа го додадете и панорамскиот кров, излегува како да седите во конзерва (но, многу скапоцена конзерва), па поради тоа луѓето од “Bugatti” направиле толку моќен клима уред.