Навивачите ја исмеваат девојката на Рајс поради нејзиниот изглед, таа потиштена ги избришала сите фотографии од социјалните мрежи

Рајс е во врска со Лорен Фрајер уште од училишните денови, а парот вплови и во родителските води предминатата година. Но, поради изгледот на Лорен, Рајс често е „мета“ на ривалските навивачи, а така било и во дуелот против Челзи кој беше одигран во вторникот.

На социјалните мрежи се појавија видеа од Емирејтс на кои се гледа како навивачите на Челзи пеат навредливи песни за партнерката на Деклан Рајс.

Исто така, тие ја навредувале и на социјалните мрежи, а навивачите на Челзи очигледно не му простија што минатото лето избра трансфер во најголемиот ривал – Арсенал, наместо да прејде на Стемфорд Бриџ и да игра за клубот за кој навивал во детството.

Лорен Фрајер била потиштена поради навредите и ги избришала сите фотографии од социјалните мрежи. Онлајн злоставувањето за првпат се случило во декември минатата година, кога навивачите му порачаа на Рајс дека „може подобро од неа“.

Лорен е најголемиот поддржувач и навивач на Рајс од почетокот на неговата кариера и редовно ги следи неговите натпревари, а беше присутна и на дуелот против Челзи. Рајс одигра одличен натпревар во победата на Арсенал со резултат од 5-0 против најголемиот ривал.

Парот по речиси 10 години врска, во август 2022 година го доби синот Џуд чие име Деклан го истетовира на телото.