„Apple“ наводно планира да го преименува својот најмоќен модел на „iPhone“
Репортерот на „Bloomberg“ и долгогодишен аналитичар на „Apple“, Марк Гурман, неодамна во својот билтен „Power On“ објави дека „Apple“ планира да воведе нов начин на именување на серијата „iPhone 15“ на мобилни телефони.
Според неговите информации, претстојните „Pro Max“ модели ќе станат - „Ultra“.
„Врз основа на претходните одлуки на „Apple“, следната година можеме да очекуваме освежен дизајн на „iPhone“ кој се поклопува со преминување на USB-C и потенцијална замена на моделот „Pro Max“ со „Ultra““, вели Гурман.
Имено, првиот „Pro Max iPhone“ се појави во 2019 година, а станува збор за моделот „iPhone 11 Pro Max“ кој донесе бројни новитети, вклучувајќи и трета камера. Со оглед на тоа што произведувачите како „Xiaomi“ и „Samsung“ веќе долго време имаат „Ultra“ модели, не е необично што и „Apple“ сака своите најмоќни телефони да го носат тоа име.
Иако „iPhone 14“ не е на пазарот ниту еден месец, се појавуваат се повеќе гласини за „iPhone 15“. Покрај наводното преименување на моделите „Pro Max“, аналитичарите предвидуваат дека „Dynamic Island“ би можел да биде дел од стандардната опрема на сите модели.
Тука е и гореспоменатиот USB-C порт, за кој Гурман вели дека „Apple“ веќе започнал да го тестира.
