Шакира го моли Том Круз да ја остави на мир: Актерот мисли дека таа е неговата „жена од соништата“

Супермен

25/05/2023

17:34

7.542

Големина на фонт

а а а

Пејачката Шакира наводно не е заинтересирана за романтична врска со актерот Том Круз, и покрај гласините кои кружат во последно време.

Започнаа да се шират шпекулации дека Шакира и Том се во врска, откако двајцата беа заедно на трката на Формула 1 во Мајами претходно овој месец. Неодамна се тврдеше дека Том е особено заинтересиран за Шакира и „очајнички сака“ состанок со ѕвездата иако таа наводно е „фокусирана на своето семејство“ наместо да излегува со некого, пишува „Mirror“.


Имено, Круз наводно бил многу нервозен кога ја запознал пејачката, која минатата година раскина со Жерар Пике. Магазинот „Heat“ пишува дека Шакира го „молела Том да престане да флертува со неа“, повикувајќи се на извор кој овој месец даде дополнителни коментари за нивната интеракција.

Изворот навел дека двајцата површно се познаваат со години и дека никогаш не поминале време заедно во „опуштено опкружување“ сè до Гранд при трката овој месец. Изворот открил дека Том бил нервозен кога ја сретнал Шакира и слично се однесувал и кога за првпат се состанал со својата сега поранешна сопруга Кејти Холмс.


„Замина уверен дека имаат реална врска која треба да се гради“, изјавил изворот. Наводно Том зборувал со пријателите за тоа, но Шакира не го чувствува истото. Изворот вели дека пејачката едноставно била „пријателски настроена“ и позирала пред фотографите со Том, но потоа тој ја опишал како негова „жена од соништата“.

Според изворот, ситуацијата наводно била премногу напната за Шакира, која и претходно се бореше со разните шпекулации околу разделбата со Пике.

„Таа не сака да го вознемири или посрами, но дефинитивно, барем што се однесува до неа, не чувствува никаква привлечност кон Том. Таа е поласкана, но не е заинтересирана“.


Спонзорирани линкови

Маркетинг
назад до tocka.com.mk