Босанскиот авантурист и патописец Роберт Дацешин ги издвоил најубавите место на територијата која некогаш ја опфаќала Југославија.
„Ех, да останевме истата држава, каква држава ќе бевме човеку – планини, море, стари градови, реки и езера, имавме се“, рекол Роберт во видеото кое го објавил на својот канал на „Youtube“.
Нагласил дека листата ја направил сам и дека локациите се одбрани исклучиво според негово мислење.
На листата која Дацешин ја составил има 4 места во Хрватска, 2 во Србија, и по едно од Босна и Херцеговина, Словенија, Црна Гора и Македонија.
Веројатно претпоставувате, станува збор за Охрид, кој според Дацешин се наоѓа на високото второ место.
Ова се 10-те најдобри места во поранешна Југославија според неговиот избор:
1. НП Плитвички езера, Хрватска
2. Охрид, Македонија
3. Хвар, Хрватска
4. Котор, Црна Гора
5. Национален парк Тара, Србија
6. Дубровник, Хрватска
7. НП Сутјеска, Босна и Херцеговина
8. Блед, Словенија
9. Нови Сад, Србија
10. Шибеник, Хрватска
Инаку, Роберт ја напуштил класичната канцелариска работа за да патува низ светот, а своите впечатоци ги пренесува преку видена на „Youtube“ каналот каде го следат повеќе од 100.000 луѓе.
