Во пресрет на неговиот 94-ти роденден, легендарниот актер и режисер Клинт Иствуд се појавил на настан во Калифорнија.
Клинт Иствуд бил забележан на настан чиј домаќин била конзерваторката д-р Џејн Гудал, а ова е ретко јавно појавување на филмската легенда по подолго време.
Clint Eastwood makes a rare public appearance. ❤️ pic.twitter.com/qwvQMPqXOp
— 𝑐ℎ𝑖𝑙𝑙𝑖𝑛𝑜𝑖𝑠 (@chiIIum) April 12, 2024
На 93-годишна возраст, Клинт Иствуд пристигнал на настанот во сина карирана фланелна кошула, сиви панталони и патики. Ексклузивни фотографии од актерот и режисер објави Дејли Мејл. Во својата 10-та деценија од животот, човекот кој е заштитно лице на седмата уметност на Холивуд не се откажува.
Иствуд, кој на 31-ви мај ќе наполни 94 години, има успешна филмска кариера. И покрај неговите поодминати години, тој останува активен во седмата уметност и моментално го режира и продуцира претстојниот филм „Juror No. 2“, со Николас Холт и Тони Колет во главните улоги.
Трилерот започна со снимање во јуни 2023 година и се очекува да биде последниот филм на Клинт.