Засновајќи ја неговата анализа на времето на испорака кое се менува на официјалната веб-страница на „Apple“ за нарачки во САД, аналитичарот Минг-чи Куо верува дека „Apple“ бележи помала побарувачка за најмоќните модели на „iPhone 16“, додека продажбата на стандардните „iPhone 16“ и „iPhone 16 Plus“ е поголема.
Иако неговите тврдења се засноваат само на почетната побарувачка, Куо тврди дека „Apple“ продал околу 37 милиони единици од стандардниот „iPhone 16“ во првиот викенд. Тоа е намалување за 12,7% од лансирањето на „iPhone 15“.
iPhone 16 first weekend pre-order analysis: estimated total sales of about 37 million units; Pro series demand lower than expectedhttps://t.co/GGAN9Yewx3
— 郭明錤 (Ming-Chi Kuo) (@mingchikuo) September 15, 2024
Во првиот викенд „iPhone 16 Plus“ забележа пораст на продажбата од 48% во однос на минатогодишниот „iPhone 15 Plus“.
Но, „iPhone 16 Pro“ забележа пад на продажбата од 27% во споредба со првиот викенд на „iPhone 15 Pro“. Продажбата на моделот „16 Pro Max“ е за 16% помала од моделот „15 Pro Max“, пренесува „Apple Insider“.
Куо смета дека еден од факторите кој можеби влијаел на почетната побарувачка за овие телефони е фактот што сите модели ги добиваат долгоочекуваните функции на „Apple Intelligence“, кои ќе бидат воведени во текот на следните неколку месеци, односно до крајот на 2024 година и почетокот на 2025 година.
Дополнително, силниот интерес за моделот „Plus“, како и благиот пад на продажбата на „Pro Max“, покажува дека многу рани корисници сè уште ги претпочитаат поголемите модели. Се очекува претстојната празнична сезона да ја промени ситуацијата со најпродаваните модели.