Симулацијата на една од најбруталните казни во историјата, вознемири многу гледачи. Зачетоците на оваа казна датираат од Римската империја, кога се користела како казна за одредена група жени.
Позната како имуреман, понекогаш се користела како вид затвор за свештеничките кои ги прекршиле своите завети, пренесува „LadBible“...
Весталните вирџинии биле класа свештенички кои следеле строг завет на целибат, посветувајќи се целосно на Веста, божицата на домот и семејството.
Меѓутоа, ако свештеничката го прекршела заветот, би била казнета со имуреман, што подразбира затворање на личноста помеѓу мали ѕидови, со што практично би ја закопале жива. Тоа понекогаш подразбирало дрвен сандак, заклучен ковчег, па дури и заѕидани ѕидови.
Јутјуберот Зак Д. Филмс, кој сподели застрашувачка симулација на оваа тортура, објасни: „Процесот започнува со тоа што лицето се затвора во ѕидот, без излез“.
„За разлика од закопувањето на живи луѓе, жртвата нема да умре од недостаток на воздух. Во некои случаи, на лицето му се давало доволно храна и вода за да преживее со години“.
Симулацијата е анимација на жена заробена во „кутија“ од тули, на која и даваат мала количина храна, колку да остане жива, додека таа страда.
„Продолжувајќи ја агонијата и изолацијата, жртвите понекогаш биле принудени да стојат исправено, неспособни да седат или да се одморат“, додал Зак.
„Нозете им отекувале од недостаток на движење. Многу умирале полека, целосно изолирани, оставени да страдаат до крај.“
Според книгата „Vestal Virgins: Chaste keepers of the flame“, овој ред постои околу 1000 години, иако тоа не е потврдено.
Оние кои го погледнале видеото на Зак биле шокирани, а еден од нив коментирал: „Кој го дизајнирал ова, апсолутно е монструм“.
Ова се некои од коментарите:
„Ова е толку страшно. Анимацијата на момчето што плаче покажа колку е страшна оваа казна“.
„Анимацијата беше толку добра што кога почна да плаче, и јас се чувствував лошо“.
„Ова е срцепарателно. Не можам ни да сфатам колку ужасно се однесувале луѓето со другите луѓе во минатото, тоа ме прави толку тажен“.
„Оваа казна е брутална! Дури би се обидел да ги заштитам моите непријатели од неа!”
Иако различни култури ја практикувале оваа казна низ историјата, имуреман повеќе не е практика, пишува „LadBible“.
