Кинескиот "BYD" работи на ажурирање на "Dolphin" четири години по неговото деби.
Ажурирана верзија на малиот електричен хечбек се очекува некаде следната година, со надграден стил и нови погонски опции.
Фотографии од "BYD Dolphin" се појавија на веб-страницата на кинеското Министерство за индустрија и информатичка технологија, неколку месеци пред неговото официјално претставување. Првото нешто што ви привлекува внимание се редизајнираните фарови, донекаде слични на оригиналниот "Chevrolet Bolt".
Профилот е во голема мера задржан, со исклучок на новите тркала од 16 и 17 инчи. Задниот дел доби малку „помазен“ дизајн кога се во прашање графиката на браникот и задните светла, па сега малку повеќе личи на поновиот "BYD Seal 06 GT" модел.
Според документите на министерството, редизајнираото електрично возило е долго 4.280 mm, широко 1.770 mm и високо 1.570 mm со меѓуосовинско растојание од 2.700 mm. Тоа го прави 155 mm подолг од моделот "Dolphin" со кинески спецификации кој дебитираше во 2021 година и само 10 mm пократок од глобалната верзија што е на пазарот од 2023 година.
Редизајнираниот "BYD Dolphin" ќе биде достапен со три различни погонски единици, кои ќе генерираат 94 коњски сили, 174 коњски сили или 201 коњски сили во зависност од тоа која верзија ќе ја изберете. Во меѓувреме, средниот модел е нов додаток на линијата. Моменталните опции за батерии во Кина се доволни за опсег на "CLTC" од 420 km и 520 km соодветно.
Судејќи според фактот дека "BYD" веќе малку го освежи "Dolphin" на почетокот на 2024 година, новиот модел најверојатно ќе се појави на локалниот пазар кон средината или крајот на 2025 година. Ова електрично возило моментално чини помеѓу 13.500 и 17.600 евра во Кина и 36.990 евра во Холандија пред локалните субвенции за електрични возила.
